|
POLÍTICA
|
|
Vienres, 03 de Setiembre de 2010 11:20 |
|
El manifestamientu ta convocáu pa les 13’00 hores con salía de la Estación del Norte (Uviéu) y yá cunta colos sofitos, ente otros, de la organización política Andecha Astur, de la organización xuvenil Darréu y del sindicatu Corriente Sindical d’Izquierda.
Los promotores de la iniciativa ciudadana “Democracy for Asturies / Democracia p’Asturies” fain un llamamientu públicu "a la sociedá asturiana, en xeneral, y a los militantes y simpatizantes de la izquierda nacionaliega, en particular, a participar nel manifestamientu xunitariu" que convoquen, precisamente baxo’l lema “Democracia p’Asturies”, pal prósimu 8 de setiembre. "Camentamos que pa esa fecha tan señalada, el Día de la Nación Asturiana, ye imprescindible la convocatoria d’esta movilización, col enfotu de facer del mesmu un díi de reivindicación nacional y social y de denunciar la situación pre-democrática que carez Asturies".
|
|
POLÍTICA
|
|
Vienres, 03 de Setiembre de 2010 11:40 |
|
Llama’l Pueblu Asturianu a movilizase polos sos derechos democráticos
Énte’l prósimu 8 Setiembre, Día de la Nación Asturiana, Andecha Astur va participar nos actos xunitarios entamaos por diferentes plataformes. Asina, la organización nacionalista va participar na concentración "Pol futuru d'Asturies" qu'entama la "Plataforma Unitaria 8 setiembre" y nel Manifestamientu del Día la Nación Asturiana n'Uviéu, col llema Democracia p'Asturies, que convoca la plataforma ciudadana "Democracia p'Asturies" a les 13:00 hores na estación del Norte d'Uviéu.
|
|
POLÍTICA
|
|
Vienres, 03 de Setiembre de 2010 12:28 |
|
Bloque por Asturies (BA) y Unidá Nacionalista Asturiana (UNA) anunciaron el so apoyu y participación nel actu que convoca "Plataforma Unitaria 8 Setiembre" en Xixón. Les dos organizaciones asoleyaron al travies de sendos comunicaos el so apoyu a la concentración "Pol Futuru d'Asturies". Bloque por Asturies llama "a una movilización xunitaria esti 8 de setiembre como respuesta a la murnia rialidá que mos quieren imponer dende los Gobiernos d´España y Asturies. Una murnia rialidá que pon en pelligru un futuru dignu y que mos condena a la exclusión, al paru y a la emigración". UNA llama a la ciudadanía asturiana "a qu'apueste por un 8 de setiembre que marque l'entamu del cambéu social, políticu y económicu qu'Asturies precisa".
|
|
POLÍTICA
|
|
Vienres, 03 de Setiembre de 2010 13:27 |
|
Esti 8 de setiembre Unión Asturianista (PAS y URAS), van celebrar un actu políticu en CANDÁS y una comida de xermandía. L’actu políticu va celebrase nel «Monumentu a la mina y a la mar», na Escalera de La Gabiana (escalera que va dende l’Ayuntamientu al puertu), en Candás, a les 13:30 horas. Dempués va haber una xinta de xermandía a partir de les 14:30 de la tarde nel Restaurante La Fonte, Avda. del Ferrocarril 4 y 8 (antigua Avda. Fernández Ladreda).
|
|
|
CULTURA
|
|
Xueves, 02 de Setiembre de 2010 13:03 |
|
La capital del conceyu de Villaviciosa acueye dende güei, el Festival de cine Mediu Güeyu que se desenolca hasta'l 5 de setiembre'l. El Festival ye una iniciativua de creadores mozos del conceyu que cuenta col sofitu de cineastes conocíos y que recibió, nesta la so primer edición, cuasi 200 curtiumetraxes na seición concursu. Una esbilla de los trabayos presentaos al certame va poder vese nel Teatru Riera y na Fundación José Cardín Fernández, amás de les películes programaes. Ente los autores confirmaos tán l’asturianu Gonzalo Tapia, director de referencia polos sos documentales y curtiumetraxes, que va presentar el so filme Lena; tamién va tar presente la documentalista belga Dounia Bovet-y Woltèche, presentando Les Racines du Brouillard (mención especial nel festival de Marsella 2009), y el británicu Willian Raban, que va mostrar colos sos curtios esperimentales la conflictividá social londinense.
|
|
POLÍTICA
|
|
Miércoles, 01 de Setiembre de 2010 15:51 |
|
El Coleutivu Pola Xuntanza ta acabante d'espublizar un nuevu documentu. Si primero foi un estudiu elleutoral onde amosaben los beneficios nesti tarrén d'una xuntanza ente los partíos nacionalistes asturianos, agora presenta «Xuntanza programática pa camudar Asturies», que pretende amosar “les llinies comunes de los partíos asturianistes/nacionalistes asturianos y facer xuntanza al rodiu d’elles”. El colectivu propón una “converxencia eleutoral con permanencia nel tiempu, que combine la defensa d'un común programa políticu de mínimos col respetu a la pluralidá ideolóxica”.
|
|
MEDIU AMBIENTE
|
|
Miércoles, 01 de Setiembre de 2010 13:14 |
|
La Coordinadora Ecoloxista d’Asturies vien de refugarla nueva ampliación de la Cantera de Peridiella (Piloña) presentando alegaciones a la escontra d’esta obra nel estudiu d’impactu ambiental. La cantera yá tuvo una ampliación en 2004 que según Aridos, empresa solicitante, cubría les sos necesidades por 17 años. Sicasí, la compañía piloñesa pidió una nueva ampliación recientemente, acercando la polución a los pueblos cercanos de Peridiella, el Llano, Vallin, el Corralón y San Martín, según la coordinadora.
|
|
|
ECONOMIA y LLABORAL
|
|
Xueves, 02 de Setiembre de 2010 12:49 |
|
El númberu de persones ensin emplegu rexistraes n'Asturies subió un 1,79% n'agostu sobre'l mes anterior, 1.281 persones, asitiándose en 72.956 persones desemplegaes, según los datos fechos públicos pol Ministeriu español de Trabayu y Inmigración. Na interañal, en comparanza con agostu del 2009, el paru aumentó un 6,61%, 4.523 persones más.
|
|
LlINGUA y LLITERATURA
|
|
Miércoles, 01 de Setiembre de 2010 12:22 |
El plazu pa entregar los trabayos acaba’l día 13 del mes muertu del 2010 (13/XII/2010). Cumo correspuende nestas fechas, el Conceyu de Cangas del Narcea convoca la edición VIII del sou Concursu de cuentos curtios n’asturianu p’adultos , que, cumo cada añu dende la súa primer convocatoria, vei cuntar con dúas categorías, una n’asturianu estándar ya outra n’asturianu occidental, siendo premiada cadaguna con 400 € . D’outramiente ya cumo cada añu tamién, el xuráu, que se dará a conocer una vez conocíu’l determín tomáu no concursu, vei tar formáu por personas varias: representantes de la Conceyalía de Cultura, un/a representante de l’Academia de la Llingua Asturiana, maestros/as ya escritores/as en Llingua asturiana.
|
|
FUTBOL
|
|
Miércoles, 01 de Setiembre de 2010 13:36 |
|
El Sporting empicipia esta lliga 2009/2010 d'últimu na clasificación y roblando'l so pior arranque lliguera tres perder col Atletico Madrid, campeón de la Supercopa d'Europa, n'El Calderón por 4-0.
|
|
|
|
|
<< Aniciu < Prev 1 2 3 4 5 6 7 8 9 10 Próximu > Fin >>
|
|
Páxina 1 de 286 |
Daniel CueliIntervención nel 73 cabudañu del Conseyu Soberanu d’Asturies y LleónMartes, 31 Agostu 2010Bonos tardes a toos y a toes. Gracies por asistir a esti actu, entamáu pola organización política Andecha Astur, n’alcordanza del Conseyu d’Asturies y Lleón cuandu se cumplen 73 años dende...
Rafael Fernández TomásSaludu pal Actu d'Alcordanza del Conseyu SoberanuMartes, 31 Agostu 2010Estimaos collacios d’ANDECHA ASTUR: Llamento nun poder tar con vustés el díi de güei en Tarna por compromisos anteriores. Por embargu quiero una vuelta más felicitalos por ser l’únicu...
Mariu ArbesúDía de la Nación Asturiana: Xunidá y movimientuLlunes, 16 Agostu 2010Quería facer con estes llinies una aportación dende la humildá d’una persona que ve la importancia de facer una única manifestación xunitaria’l Día de la Nacion Asturiana. Xugamos con pocu...
Xune ElipeReflexón y acción nel nacionalismu asturianuXueves, 12 Agostu 2010Vengo asistiendo como espectador a los debates, espiriques y reflexones que dende hai dalgún tiempu vienen produciéndose nel, vamos llamalo, “magma” nacionalista asturianu. Emplego esti...
Finó Carlos Hugo de Borbón, herederu de la dinastía carlista
EL xixonés Iván ganó'l Memorial Lisardo García
