Tas equí:

Portada Deportes Un bon Sporting impúnxose al Mallorca
Smaller Default Larger
Domingu, 01 Setiembre 2013 17:23

Un bon Sporting impúnxose al Mallorca

Por  InfoAsturies Espor
Valora esti artículu
(0 votos)
Los roxiblancos sacaron alantre ensin problemes el partíu escontra un Mallorca que nun atopa sitiu na categoría.

Los asturianos recibíen n'El Molinón al Mallorca, un equipu que, pesie a tar recién descendíu de la máxima categoría, atópase sumíu nuna crisis deportiva tres un entamu de temporada permalu. L'equipu de Sandoval, cada vegada más compactu y asentáu nel tarrén de xuegu, aprovechó la circunstancia pa sumar otros trés puntos al so casilleru.

El dominiu del xuegu tuvo práuticamente tol partíu nes manes xixoneses, col conxuntu balear bien feble na so zona defensiva. Hugo Fraile, que desempeñó una actuación valoratible, inauguró'l marcador nel minutu 24, fechu qu'apurría un puntu más de confianza nel xuegu roxiblancu. Durante'l restu'l primer tiempu siguió'l dominiu llocal, con un Mallorca mal ofensiva y defensivamente.

Na segunda metá de nuevu dominiu sportinguista, y el Mallorca desapaecíu. Nesa situación llegaríen los dos goles xixoneses na segunda metá, a cargu de Barrera nel minutu 66, y de Scepovic nel 86. El serbiu sigue afitándose como la gran referencia ofensiva del Sporting, amosando muncha efectividá de cara a gol.

Vistu 501 vegaes
Entama sesión pa enviar comentarios