| “El Tueru” propón a los plenos municipales de Llanes y Ribeseya unes ordenances sobro la oficialidá del asturianu. |
 |
 |
| LlINGUA y LLITERATURA | |
| Martes, 05 de Mayu de 2009 10:46 | |
|
L´Asociación Cultural El Tueru, acaba presentar al Plenu Municipal una propuesta d’Ordenances Municipales sobro Oficialidá de la Llingua Asturiana. L’asociación pidi con ello un mayor compromisu pa cola llingua que nun sólo s’espeye na presentación de dos llibros. Afíténse en razones tan básiques comu que se tien drechu a ser asturianos n’Asturies y a falar l’asturianu na nuesa tierra. Y qu’esti drechu democráticu tien de tar reconocíu y reguláu. Denuncien que dambos conceyos "imponen l’español comu única llingua nos actos municipales y na so rellación cola vecindá; por embargu, el Conceyu tien d’asegurar el futuru del nuesu país y nun pue facelo forciándomos a dexar de comportamos comu asturianos". Defenden que sólo se pue falar d’Alministración municipal democrática "si ésta reconoz los drechos incluyíos nes Ordenances propuestes", esto ye, los drechos a dirixise al Conceyu n’asturianu, recibir información municipal na llingua d’Asturies, potenciar lo asturiano nes actividaes municipales y en toles estayes de la nuesa vida comunitario, recibir enseñancies na nuesa llingua, respetar los nomes asturianos de les nueses cais y pueblos, nun tener que dexar de ser asturianu pa ser funcionariu o emplegáu municipal, y un especial compromisu municipal nel sofitu y sovención de les iniciatives que respeten la nuesa identidá y cultura. Dende de l’asociación creyen qu’aprobar estes ordenances "ye la meyor mena de festexar el díi de les lletres asturianes y homenaxear asina, daveres, a Enriqueta Gonzalez Rubín" 
Share Link: 
|
|
