| Villaviciosa cellebra’l XXVII Festival de la Mazana |
 |
 |
| CULTURA | |
| Vienres, 09 de Ochobre de 2009 11:54 | |
|
La inauguración oficial va ser a les 19 hores nel Teatru Riera, anque una hora enantes van abrise les puertes de la Esposición y Concursu de Mazanes de Sidra y de Mesa, nuna carpa asitiada nel patiu de les Escueles Graduaes.El Teatru Riera tamién va acoyer, a les 19.30 hores, la presentación del llibru Variedades de la DOP Sidra de Asturias: Caracterización y evaluación, por Enrique Dapena de la Fuenta, responsable del área de Fruticultura del SERIDA, a lo que va siguir un conciertu de Tina Gutiérrez. El sábadu, a les 10 hores, va facese una visita guiada de cuatro hores pel conceyu onde va poder vese la purada del SERIDA n’Oles, la ilesia románica de Santa Eulalia de la Lloraza y una demostración de trabayu con acebache. Yá pela tarde, a les 18.30 hores, va cellebrase una cata de mazana de mesa y un taller d’análisis sensorial, a cargo del SERIDA, na carpa d’alcuentros. Mentes, el domingu, a la mesma hora, va facese la otra cata, la de la sidra DOP, que va tar presentada pol periodística gastronómicu David Fernández-Prada. Los actos del sábadu van finar cola actuación del grupu Gueta na fonte. La ellaboración del primer mostu y la ofrenda a la Virxen del Portal, al mediudía na plaza’l Güevu, va dar ainiciu a los actos del domingu, que amás del Manzaoca, “el gran xuegu de la mazana” que va principiar el sábadu, va contar con una presentación de Sidra de Xelu, a cargo de Sidra Panizales (Mieres), a les 20 hores na carpa d’alcuentros. El toque musical va dalu, a les 21 hores, Zapica.L’últimu día del festival va centralo la entrega de premios del Concursu de Mazanes y Plantanciones, que va cellebrase a les 11 hores nel Teatru Riera. Pa les 12 ta previsto’l V Alcuentru Coral ‘La sidra y el mar’ cola participación de la Coral Polifónica de Cariño, el Coru San Pedro de Cuideiru, la Coral Capilla de la Torre de Villaviciosa, la Rondalla Nostalgia de Villacondide y el Coru Errante de la Comarca de la Sidra, que va poner el puntu y final a esti fin de selmana dedicáu a la mazana. Pero los visitantes a Villaviciosa estos díes nun van poder disfrutar namás d’estos actos. Tamién van poder prebar bona sidra nos 13 establecimientos hosteleros que tan incluidos nel ‘sidromapa’ creáu pol Conceyu de Villaviciosa y el Conseyu Regulador de Denominación d’Orixe Protexida. Otros alicientes son el ‘Mercáu de seronda: frutes, plantes y derivaos de la mazana’, na carpa de la plaza Caveda y Nava; la esposición ‘XII Certame de Pintura Illustre Ayuntamientu de Villaviciosa’, na Fundación José Cardín Fernández; y el I Campeonatu de Llucha de Brazos, el sábadu a les 17 hores nel frontón municipal.
Share Link: 
|
|
