El Tribunal Européu de Derechos Humanos declaró ayeri la presencia de crucifixos nes aules «una violación de los derechos de los padres a educar a los sos fíos según les sos convicciones» y de «la llibertá de relixón de los alumnos». La sentencia respuende al recursu que presentó Soile Lautsi, ciudadana italiana d'orixe finlandés, qu'en 2002 pidiere al institutu estatal italianu nel qu'estudiaben los sos fíos que quitara los crucifixos de les clases.

Depués de intentalo énte los tribunales italianos, la muyer decidió recurrir al Tribunal d'Estrasburgu, que-y dio la razón ayeri.  El Gobiernu italianu deberá pagar a Lautsi una indemnización de 5.000 euros polos daños morales sufríos, pero el vaor de la sentencia ye qu'afecta a tola Xunión Europea.

El Executivu italianu anunció que va recurrir la sentencia y El Vaticano, acoyó con «estupor y pesar» na materia muy profundamente ligada a la identidad histórica, cultural y espiritual del pueblo italiano». 

La Confederación Española de Padres de Alumnos (CEAPA) aplaudió la noticia y l'asociación Europa Laica calificóla de «saludable». Les patronales d'Enseñanza FERE y CECE, qu'atropen a colexos privaos y concertaos, consideraron la noticia «inadmisible y sorprendente».

Share Link: