Bruno Gómez ganó’l I Premiu "Asturies" d’Ensayu con “Turismu ya identidá nacional”. Asoleyar Corréu lleutrónicu
Usar puntuación: / 4
MaluBonu 
LlINGUA y LLITERATURA
Martes, 10 de Payares de 2009 11:17

Aconceyáu’l xuráu del premiu “Asturies” d’ensayu, conocáu pola Editorial Espublizastur, presidíu por David Rivas Infante y compuestu por Xose A. Armayor, Fonsu Fernández Álvares y Mª Carme Marqués, alcordó otorga-y el primer premiu a la obra “Turismu ya identidá Nacional”, qu’una vuelta abiertes les pliques resultó ser obra de Bruno Gómez Jiménez.

Bruno Gómez Jiménez, (Xixón 1982) ye Teúnicu superior n'animación d'Actividaes fisico-deportives y estudiante de Turismu na Escuela Universitaria de Turismu d´Asturies. Gómez trabaya como Xefe d'animación del resort turísticu, Las Dunas Camping & Bungalow de Sant Pere Pescador, Girona, Catalunya y ye Xefe d'animación y Tour Leader de la mayorista de viaxes Travelkids del grupu Bestours, Barcelona, Catalunya.

Asina mesmo, el xuráu aprebó unitariamente recomendar la espublización del ensayu “Les Asturies nel nacionalismu vascu”, del que ye autor Xaviel Vilareyo y Villamil. Nel mesmu sen, tanto’l xuráu comu la editorial convocante d’esti I Premiu d’Ensayu “Asturies” felicita a tolos participantes (9 ensayos en total), pol bon nivel de los trabayos presentaos. En viendo’l perbón resultáu d’esta primer convocatoria, Espublizastur, anuncia la so intención d’aumentar en 1.000 euros la dotación económica del premiu (nesta primer convocatoria foi de 1.500 €).
 
Comentarios (5)
Enorabona al ganador
1 Martes, 10 de Payares de 2009 12:48
Mercedes
¿Turismu ya identidá nacional? Suena bien ¿pa cuandu'l llibru???
Vos premiais a vos mesmos
2 Martes, 10 de Payares de 2009 14:23
Jojojo
Ya tais igual que los premios principiegos, unos premios del sistema que premia al mesmu sistema. Vosotros los mesmo ¡que guapu ye repartise les perres! A quien-y toca l'añu que vien? a Arturu? jojojojo
Puestinos y perres
3 Martes, 10 de Payares de 2009 14:35
Chiringuitu taliban
Que guapu ye montase el chiringuin p'axuntar perres y repartiles ente los amigos- Agora faltenvos los puestinos que bien llexos vos queden con los 800 votos.
Norabuena a los que trabayen
4 Martes, 10 de Payares de 2009 15:04
Franchu
Norabuena a los dos premiaos
Pa dalgunos "escribir" ye eso q se fai en foros n'internet
5 Martes, 10 de Payares de 2009 16:12
Xosepe
Camiento que los grandisimos ensayistes "Jojojo" y "chiringuitu Talibán" presentaron trabayos muncho meyores que "Turismu ya identidá nacional" al Premiu Asturies d'Ensayu...en fin,..

Un tema perguapu el del ensayu premiáu, teo ganes de lleelu en llibru.

Amesta´l to comentariu

To nome:
To email:
El to sitiu o blog:
Títulu:
Comentariu:
  Los carácteres de verificación. Minuscules y ensín espacios.
Verificación:
InfoAsturies nun se responsabiliza de lo asoleyao nos comentarios --yvComment v.1.15.0