Distribuyeron en 400 centros educativos un mapamundi cola situación llegal del coleutivu GLBT en cada estáu

Ayeri, Día Internacional de los Drechos Humanos, l'asociación Xente LGTB Astur (XEGA), quiso remembrar que los drechos de llesbianes, gais, transesuales y bisesuales (LGTB) tamién son Drechos Humanos y que, nesti sen, queda muncho por facer: 80 estaos nel mundu conderguen la homosesualidá con penes que van dende las sanciones económiques hasta dellos años de prisión y trabayos forzaos. En siete d'estos estaos -Arabia Saudí, Irán, Mauritania, Nixeria, Somalia, Sudán y Yemen- el castigu ye la pena de muerte.

XEGA editó un mapa de Drechos Humanos LGTB nel mundu ne que s'espeya, al travies de colores, la situación llegal de la homosexualidá en tolos estaos del planeta, dende los qu'incorporaron na so llexislación el Matrimoniu pa pareyes del mesmo sexu hasta los que castigan cola estes relaciones. El mapa, basáu nel informe «Homofobia d'estáu» ellaboráu por Daniel Ottosson de la Universidá de Södertörn (Suecia) en mayu de 2009 pa la International Lesbian and Gay Association (ILGA), distribuyíu nos 400 centros educativos públicos d'Asturies pal desendolcu d'avtividaes que promuevan la defensa de los Derechos Humanos en clas, siendo un material adaptable a asignatures como xeografía, historia y llingua asturiana.

Esti material, que pue descargase en www.xega.org , complementaráse a lo llargo del cursu académicu 2009-2010 con una unidá didáctica. Dende'l Grupo d'Educación de XEGA finquen "na importancia de los Drechos Humanos LGTB nes charres y talleres que desendolcamos nos institutos de toa Asturies" nes qu'esponen

• Mapa Derechos LGTB nel mundu (XEGA, 2009)
• Informe Homofobia de estado (ILGA, 2009)

Share Link: