INFOASTURIES - Información alternativa d'Asturies y del Mundu

L'Arribada otorga'l IV Premiu Timón al escritor Roberto González Quevedo

Mon, 06 Sep 2010 23:41:28 GMT

Un xuráu integráu por Alberto Álvarez Peña, Vicente García Oliva, Aurora García Rivas, Humberto Gonzali, Jorge Espina, Inaciu Iglesias y Xuan Xosé Sánchez Vicente, alcordó güei otorgar el IV Premiu Timón, al autor Roberto González-Quevedo.

Esta distinción, que consiste nuna obra del escultor y ceramista xixonés Jesús Castañón, va entregase nun actu entamáu pal 23 de setiembre, a les 20 hores, nel xixonés Centru Municipal Integráu de L’Arena, nel marcu d’actividaes de L’Arribada 2010. La entrega del gallardón tará acompañada cola actuación del Cuarteto Antolín de la Fuente.

Lleer más...

Conciertu de La Tarrancha, Misiva y N'Ochebre en Villaviciosa

Mon, 06 Sep 2010 12:44:24 GMT

Mañana martes 7 de setiembre, a partir de les 23:00 hores, na carpa de La Bodega en Villaviciosa, va entamase un conciertu con La Tarrancha de cabeza cartel y cola participación d'otros dos grupos asturianos Misiva y N'Ochebre.

Lleer más...

La fiesta de la sidra de Xixón en semeyes

Sun, 05 Sep 2010 23:11:58 GMT

El Grupu Semeyes LA SIDRA vien d'abrir una impresionante Galería de Semeyes del XIX Festival de la Sidra de Xixón. La galería pue vese en www.flickr.com/lasidra y contién más d'un centenar de semeyes. El Grupu Semeyes de LA SIDRA ye un grupu abiertu a toes aquelles presones que tean interesaes n'esplorar y afondar nes posibilidaes d'espresión de la sidre y la so cultura al traviés del siempres guapu arte de les semeyes.

Lleer más...

ETA anuncia que decidió va dellos meses nun facer "aiciones armaes ofensives"

Sun, 05 Sep 2010 12:34:32 GMT

ETA fexo pública güei una declaración na qu'informa que "va dalgunos meses" tomó la decisión de "nun llevar alantre aiciones armaes ofensives", al tiempu que llama a los axentes políticos, sociales y sindicales vascos a dar "pasos firmes" p'abrir un tiempu nuevu. Na declaración, avanzada pola cadena británica BBC , ETA fai un llamamientu a la comunidá internacional, a la que yá informare de la so decisión de nun facer aiciones armaes, "pa que tome parte na articulación d'una solución duradera, xusta y democrática a esti secular conflictu políticu".

Lleer más...

Videu Banda Gaites Noega y Llariegu, campiones de percusión en Lorient 2010

Sat, 04 Sep 2010 15:02:17 GMT

BANDES DE GAITES NOEGA Y LLARIEGU CAMPIONES CONCURSU DE PERCUSIÓN DE LORIENT 2010

Lleer más...

Fai! axúntase a la convocatoria de Plataforma Unitaria 8 setiembre

Sat, 04 Sep 2010 11:48:57 GMT

La organización d'esquierda soberanista ta acabante asoleyar públicamente'l so sofitu a la convocatoria entamada pola "Plataforma Unitaria 8S", según esti coleutivu, "como día de rempuesta al cuadonguismu españolista impuestu, a la negación de los derechos coleutivos del pueblu asturianu y al retrocesu social y esfarrape medioambiental que siguimos careciendo metanes de la crisis capitalista". Ún de los argumentos daos por Fai! pa sofitar la concentración ye que la convocatoria "nun afonda na consideración del 8 setiembre como Día nacional", dalgo que si caltienen tolos partíos nacionalistes.

Lleer más...

El PAS desplica la so non asistencia al actu impulsáu por BA

Sat, 04 Sep 2010 11:38:13 GMT

Un actu "más asemeyáu a un Primeru de Mayu qu'a otra cosa".

El Partíu Asturianista unvió a los medios de comunicación una nota dando anuncia de los actos de celebración del Día de la Nación, que van facer, xunto a la URAS y énte’l «Monumentu a la mina y a la mar» de Candás onde la formación nacionalista tamién desplica como “a lo llargo d’una serie de selmanes, caltuvo negociaciones cola voluntá de facer un Día d’Asturies o Día de la Nación unitariu”, qu’a la fin nun-yos paecieron afayadices “pol formatu del actu (una concentración, qu’imposibilita la xerarquización d’organizaciones y persones y la so visualización, y non una manifestación)” y pola composición de los convocantes, que según el PAS “escapa a la nuestra idea d’un actu organizáu y xestionáu polos partíos políticos”.

Lleer más...

Valledor tará en Xixón el 8 setiembre

Sat, 04 Sep 2010 10:56:32 GMT

Segun recueye l'últimu númberu del selmanariu Les Noticies, Francisco Javier García Valledor, militante destacáu d'IU y ex Conseyeru de Xusticia y Interior va tar presente na concentración de Xixón. Valledor camienta que "esti añu ye la primer vez dientro del asturianismu qu'hai una voluntá de xuntura, tanto de partíos como de persones independientes, dalgo que va ser perimportante pa esti Día d'Asturies" y fala de la necesidá de llograr un proyeutu "lo más ampliu, diversu y plural posible".

Lleer más...

Partíu Asturianista cellebra con URAS el Día de la Nación Asturiana en Candás

Fri, 03 Sep 2010 12:27:36 GMT

Esti 8 de setiembre Unión Asturianista (PAS y URAS), van celebrar un actu políticu en CANDÁS y una comida de xermandía.

L’actu políticu va celebrase nel «Monumentu a la mina y a la mar», na Escalera de La Gabiana (escalera que va dende l’Ayuntamientu al puertu), en Candás, a les 13:30 horas. Dempués va haber una xinta de xermandía a partir de les 14:30 de la tarde nel Restaurante La Fonte, Avda. del Ferrocarril 4 y 8 (antigua Avda. Fernández Ladreda).

Lleer más...

Bloque y UNA apoyen la concentración "Pol futuru d'Asturies"

Fri, 03 Sep 2010 11:28:29 GMT

Bloque por Asturies (BA) y Unidá Nacionalista Asturiana (UNA) anunciaron el so apoyu y participación nel actu que convoca "Plataforma Unitaria 8 Setiembre" en Xixón.

Les dos organizaciones asoleyaron al travies de sendos comunicaos el so apoyu a la concentración "Pol Futuru d'Asturies". Bloque por Asturies llama "a una movilización xunitaria esti 8 de setiembre como respuesta a la murnia rialidá que mos quieren imponer dende los Gobiernos d´España y Asturies. Una murnia rialidá que pon en pelligru un futuru dignu y que mos condena a la exclusión, al paru y a la emigración". UNA llama a la ciudadanía asturiana "a qu'apueste por un 8 de setiembre que marque l'entamu del cambéu social, políticu y económicu qu'Asturies precisa".

Lleer más...